بعد انتظار طويل من عشّاق الألعاب، أخيرًا بان أول “First Look” رسمي لمسلسل God of War بنسخة Live-Action، واللي خدام عليه تعاون بين PlayStation و Amazon Prime Video. الصورة الأولى عطتنا لمحة على شكل Kratos وولدو Atreus فالعالم الإسكندنافي اللي معروفين به فالألعاب.
حسب المعلومات اللي خرجات، المسلسل غادي يقتبس أحداث لعبة God of War (2018)، وغادي يركّز بزاف على العلاقة المعقّدة بين الأب القاسي والمحارب Kratos وولدو Atreus، اللي كيتعلّم تدريجيًا كيفاش يعيش فواحد العالم عامر بالمخاطر والآلهة.
الدور ديال Kratos غادي يلعبو الممثل Ryan Hurst، بينما Atreus غادي يجسدو Callum Vinson. أول صورة باينة فيها الأجواء مظلمة وجدية، وقريبة بزاف لروح اللعبة، وهاد الشي خلا بزاف ديال الفانز متفائلين بالمشروع.
المسلسل راه تم طلب جوج مواسم دفعة وحدة، وهاد الشي كيبين الثقة الكبيرة فالمشروع قبل حتى ما يخرج أول عرض رسمي. التصوير راه بدا، ولكن مازال ما تعلنش على تاريخ الإصدار بالضبط.
دابا السؤال اللي مطروح:
واش مسلسل God of War غادي يقدر ينجح بحال اللعبة ويكسب قلوب الفانز؟ ولا غادي يطيح فمشكل الاقتباسات اللي ما كتوفّقش دايمًا؟
